mimi's profile◦˚ஐ يصبح الخيال سهل المن...PhotosBlogListsMore  |  Tools Help |
|
December 30 مغامرات العيد
مرحبوشن هلا باللي لفاني هلا<<<<احس اني بسبيس تون لووووووول اكتب لكم تفاصيل هجولة العيد يمكن ماتهم البعض لكن تهمني لأنه من ضمن أحلى الأعياد اللي مرت علي<<<<تكفين يالعجوز لوووووول
ثاني يوم من وصول عيال اختي رحنا بارنيز في التحليه اهم مافي الموضوع اننا بالأساس كنا رايحين وماندري وين متجهين مسكنا خط التحليه الين وصلنا جهة جوفريز بس كان زحمة ووعدت الشله اننا سنوعد اليه من جديد في حلقة قادمه جلسنا ندور على مكان نروح له المشكله ان الساعه تشير إلى 10 وزيادة وكنا شبعانين يعني مانبي نتعشى بس نرز فيساتنا ونحش بخلق الله وهذا اللي وهقنا لأن الجلسات الحلوه هالوقت تكون عشى
عاجبني هالدباب ياليتني اقدر آخذ لفه لوووول
المهم اتفقت انا والشله نروح بارنيز المصيبه اني ولا مره قد دخلته مشان هيك توهقنا اللي صار اننا وصلنا لبارنيز لكن مافيه مواقف اخذنا لفه كامله ورجعنا لها برضه مافيه مواقف خذنا لفه ثانيه لها وبرضه مافيه مواقف وحلفت ان في اللفه الرابعه اذا مالقينا موقف نروح للبيت <<<<قويه خخخخخخخ والمصيبه اني مااشوف له باب يقول العوائل من هنا المهم فكرت فكره جهنميه و نزلت ولد اختي يسأل عن المكان من وين قالوا لنا من ورى ههههههههههه وحنا لنا ساعتين نلف وندور ولا انتبهنا لباب العوائل هههههههههه اول مادخلنا امي قعدت تناظر في العاملات غريبه وش جايب العاملات بين هالرجاجيل اللي يطرح السؤال الصدقي انهم وش مهمتهم ؟؟؟ لأنه كل ماقلنا لهم شي راحت ونادت لنا رجال يشوف وش نبي !!!!!!
رجعنا للبيت الا ولد اختي حرارته 40 المسكين راح للمستشفى ولخموه لخمتن ميب صاحيه يبون يعطونه ابرة حرارة واللي تبي تعطيه شكلها فدغا لعبت في حسبته تدخل الابرة وتطلعها تدور الشريان وحطت ابره ثانيه للمغذي وابره ثالثه تسحب دم للتحليل <<<<<<<مسكين هالولد يجاهد في سبيل صحته
اليوم اللي بعده رحنا للمطعم الصيني وماكان فيه أي مغامرات لأن ولد اختي كان تعبان شوي
ليلة العيد قررنا نطلع البحر او جهة البحر المهم يشوفون البحر طلعنا وكانت الشوارع على غير عادتها فاضيه ومافيه زحمه المهم لفينا نبي مكان نقعد بوه وصارت فيه شوية حركات من بنت اختي تقدرون تتابعونها على هاللينك
http://jojo-moon.spaces.live.com/blog/cns!AB633172D5FB532!604.entry
المهم رحنا للشراع واول مادخلنا قالوا ترا فيه دخوليه !!!! كيف ؟؟ بصراحه انا ماقد جيت الشراع وكان بدخوليه اعرف انه يفرق الجلسات اللي على البحر او جوا اذا كان وقت اكل او مشروبات فقط؟؟؟ اللي صار انهم قالوا ليلة العيد وايام العيد هذي سياستهم لكل صخص 50 ريال شامله قائمة الطعام وحنا 6 وطفله يعني لنا نطلب الين 300 ريال والعاب هالبزره ببلاش المصيبه اننا برضه كنا شبعانين لانه وبكل بساطه نتغدا قبل مانطلع او بمعنى اصح غدعش = غدا+عشا المهم وافقنا لأنه الحل النهائي وباختصار جلسنا نطلب وخايفين انه يتعدا الـ300 عناد لهم بعد كذا ولد اختي اشتهى ياكل ايس كريم قنا نسألهم اذا تعدينا الفاتوره فيخب عليهم نطلب ايس كريم من عندهم قال الباشا آه دنتو تعديتوها من زماااان <<<<ياخراآآآآشي وش طلبنا عشان نتعداها ؟؟ هات الفاتوره ياورع وخلنا نطلع بكرامتنا يمدحون ايس كريم السياره ابو ريال خخخخخخخخ
mp3عشان الروقان لووول
يوم العيد وين نروح وين نروح ؟؟؟ الخروف و مابعد ذبحناه وش نسوي يلا بينا على ايس لاند نتمشى قلنا تم ونحن في طريقنا اليه غييرنا راينا وقلنا نروح للميغا مول نلعب بولينج وبليارد بالعربي الفصيح نصيع ونوسع صدورنا هههههههههههه
الله يقرفهم على هالجزم غصب نلبسها
تراني ماخذت المركز الاخير ابد هههههههههه
اللي بعده ذبحنا الخرفان لكن لم يحن موعد اكلهم اللي نالنا منهم الكبده والحميس وطبعا كالعادة أكلناها على المغرب تقريبا وبعد ماطفحنا وخلصنا قررنا نطلع نفرفر والقرار ماكان له أي تردد نروح لايس لاند نلعب بولينج بعد<<<<مصخوها هع رحنا لآيس لاند وقعدنا نلعب وتخيلوا من فاز علينا؟؟؟
بنت اخوي الله يحفظها عمرها 3سنوات وبصراحه علمتنا درس ان الهون ابرك مايكون تخيلوا كانت ترمي كورة البولينج وتمشي شوي شوي الين توصل وتطق لها كم (قوطي) اللي يفاجئك أكثر ان الكوره تمشي في طريق تقولون كأنها ماراح تضرب ولا شي فجأه تلف الكوره ماشالله عليها عندها مستقبل ههههههههه
شوفو نتيجتها 89
المهم هذا اليوم لفينا كم لفه في شارع الأمير سلطان وتقهوينا في سطار بوقس بس مانبسطنا فيه
اليوم اللي بعده
برضه دبابات ياويل حالي لووووول
اخذنا قهوتنا وشاهينا وطلعنا للبحر وشرينا طراطيع ونجوم الليل بس بنوتة اخوي مارضت تشغلها كانت خايفه الله يقلع ابليسها نكدت علينا وماطرطعنا بعدها رحنا للحمراء عشان النافوره لكن كانت الدنيا زحمه وحنا رايحيين شفنا مطعم اسمه جيلاتو قالت لي صديقتي انه زوين قلت نلف على الحمرا ونرجع له ورجنا له وياليتنا مارجعنا صحيح الجلسات مره حلوه لكن الشيشه تعج بالمكان والأكل كله فيه ايس كريم او كريمه او جيلي استغفر الله طلعنا وماطلبنا شي
اليوم اللي بعده ماكان فيه أي مغامرات بس رحنا لعزيز مول
اليوم اللي بعده كان يوم موحش بمعنى الكلمه اول شي طلعنا للبحر ومن اساسيات طلعة البحر هذي الاشياء
اللي يقهر بالموضوع كانت اختي موصيتنا على مخلط عود من محل اسمه العربيه للعطور وليس للعود وطبعا الفرق واضح الثانيه في كل سوق وزاويه مرتزه لكن الأولى اول مره نسمع فيها المهم اللي عرفناه انها متواجده في سوق حراء رحنا لحراء ندور على هالمحل مالقيناه اتصلنا عليها يابت وينه بوه قالت مدري دقايق اسأل ربيعتي <<<<هذي اللي موصفتلها المكان ،، قعدنا دقايق ودقايق الين وصلنا الخبر الصاعقه تقول في التحليه طيب وين في التحليه ؟؟ تقول في سوق اسمه جده التحليه،، يابنت الحلال مافيه سوق بهالاسم !!! ياجده مول يا التحليه مول اختاري قالت مدري هي تقول في جده التحليه او تحلية جده ؟؟!! رحنا لجده مول وحنا معصبين وحالتنا حاله وولد اختي قال مافيه مجال اذا مالقيناه نرجع للبيت المهم رحنا ولا لقيناه خخخخخخخخ والمصيبه نسأل اصحاب المحلات يقولون مافيه محل بهالاسم المهم بعد المداولات والنفخ والنفيخ اتفقنا ندور عليه بكره الصبح لأن في الليل فيه طلعه نشوي رحنا صباح اليوم التالي للتحليه وكل واحد مايشوف الطريق من النوم رحنا للتحليه مول ولقينا المحل وأخيرا
واشترينا اللي تبيه اختي بعدها رحنا نفطر ونشوف نفسنا شوي خخخخخخخ رحنا لو مول وهذا كان فطورنا
في الليل طلعنا نشوي وهذي صور من طلعتنا بس اعذروني مالي خلق اكتب لأني تعبت لوووووول
حوسة الطلعات خخخخخ
اليوم الأخير لعيال اختي عندنا طلعنا لميغا مول وافطرنا فيه ورجعنا
اكيد طفشتكم بتفاصيل مالها داعي لكن من كثر ماكنا مبسوطين بهالعيد حلفت اني انزلها بسبيسي
والى اللقاء في مغامرات أخرى
Comments (3)
TrackbacksThe trackback URL for this entry is: http://mimi-ksa-cool.spaces.live.com/blog/cns!C9A0BA140A2C3C48!514.trak Weblogs that reference this entry
|
اليكم التفاصيل
|
|
